औरंगाबादच्या वाळूज महानगर परिसरातील औद्योगिक वसाहतीत असलेल्या ‘मॅट कंपनी’ला भीषण आग लागल्याची घटना घडली आहे. मोठ्या प्रमाणात आग लागल्याने परिसरात सर्वत्र ज्वाळा दिसत आहेत. अग्निशमन दल घटनास्थळी दाखल झाले असून आगीवर नियंत्रण मिळवण्याचे शर्थीचे प्रयत्न सुरू आहेत. विशेष म्हणजे आजूबाजूला आणखी काही कंपन्या असल्याने भीती व्यक्त केली जात आहे.
औरंगाबादच्या वालज औद्योगिक वसाहतीमध्ये असलेल्या ‘मॅट कंपनी’ला काही वेळापूर्वी भीषण आग लागली होती. आगीचे कारण समजू शकले नाही. मात्र मिळालेल्या माहितीनुसार ही कंपनी सुरू होती. कंपनीत काही कामगारही काम करत असल्याची माहिती आहे. त्यामुळे कामगारांना बाहेर काढण्यात आले आहे. आतापर्यंत कोणतीही जीवितहानी झाल्याचे वृत्त नाही. मात्र आगीचे प्रमाण अधिक असल्याने आणखी काही अग्निशमन दलाच्या गाड्या मागवण्यात आल्या आहेत. त्यामुळे आगीवर नियंत्रण मिळवण्यासाठी अग्निशमन दलाकडून शर्थीचे प्रयत्न सुरू आहेत.
