युक्रेनची राजधानी कीव येथील बालवाडीजवळ एक हेलिकॉप्टर कोसळले. यात युक्रेनच्या एका मंत्र्यासह दोन मुलांसह 16 जणांचा मृत्यू झाला आहे. पोलिस अधिकाऱ्यांनी बुधवारी ही माहिती दिली. युक्रेनचे पोलिस प्रमुख इगोर क्लेमेंको यांनी सांगितले की, आमच्याकडे सध्या 16 जणांचा मृत्यू झाल्याची माहिती आहे. या 16 जणांमध्ये एक मंत्री, दोन लहान मुलं आणि सरकारमध्ये काम करणाऱ्या काही वरिष्ठ अधिकाऱ्यांचा समावेश आहे. इगोरने असेही सांगितले की, मृत मंत्र्याचे नाव डेनिस मोनास्टिसारस्की आहे.
या घटनेत 16 जणांचा मृत्यू
युक्रेनमध्ये एका इमारतीवर हेलिकॉप्टर कोसळले. या हेलिकॉप्टरला आग लागली. या घटनेत 16 जणांचा मृत्यू झाला आहे. या भीषण अपघाताचे व्हिडिओ ट्विटरवर शेअर केले जात आहेत. डेनिस मोनास्टिसेर्स्की हे युक्रेनचे गृहमंत्री होते. त्यांचाही या अपघातात मृत्यू झाला.
हेलिकॉप्टर नेमका कसा कोसळला?
इमारतीला तो कसा धडकला हे अद्याप स्पष्ट झालेले नाही. मात्र या अपघातात युक्रेनचे अंतर्गत मंत्री ठार झाले आहेत. अपघात झालेल्या ठिकाणी मदत आणि बचाव कार्य सुरू करण्यात आले आहे.
अपघातातील 22 जखमींवर उपचार सुरू आहेत
कीव येथे ही दुर्घटना घडली. या घटनेत 22 जण जखमी झाले आहेत. त्यात 10 मुलांचा समावेश आहे. जखमी मुलांवर जवळच्या रुग्णालयात उपचार सुरू आहेत. या घटनेत डेनिस मोनोस्टिरस्की (आंतरिक मंत्री), येवेन येनिन आणि युरी लुबोकोचिव हे तीन मंत्री मरण पावले आहेत. कीवचे गव्हर्नर ओलेक्सी यांनी माहिती दिली की जेव्हा ही घटना घडली तेव्हा बालवाडी, मुलांच्या शाळेमध्ये मुले आणि इतर कर्मचारी होते. या घटनेत 22 जण जखमी झाले आहेत. त्यात 10 मुलांचाही समावेश आहे. या ठिकाणी अपघात होताच तात्काळ मदत आणि बचावकार्य सुरू करण्यात आले आहे.
