हिवाळ्यात तुम्हीही कमी पाणी पिता? वेळीच सावध व्हा; ‘हे’ मानसिक आजार तुम्हाला त्रास देऊ शकता

डोकेदुखी तुम्हाला त्रास देऊ शकते

तज्ज्ञांच्या मते, पाणी कमी प्यायल्याने डोकेदुखी होऊ शकते. कारण कमी पाणी प्यायल्याने शरीरातील हायड्रेशन पातळी कमी होते आणि डोकेदुखीसारख्या समस्या वाढतात. त्यामुळे पाणी पीत राहावे.

स्मरणशक्ती कमकुवत होईल

हिवाळ्यात किंवा इतर कोणत्याही ऋतूमध्ये पाण्याच्या कमतरतेमुळे डिहायड्रेशनचा धोका असतो, त्याचा थेट परिणाम मेंदूवर होतो. अशा स्थितीत स्मरणशक्ती कमकुवत होण्याची शक्यता असते. यामुळे गोष्टी लवकर विसरण्याची समस्या उद्भवू शकते.

ब्रेन स्ट्रोकचा धोका

डॉक्टरांच्या मते, हिवाळ्यात ब्रेन स्ट्रोकचा धोका वाढतो, ज्याची एकापेक्षा जास्त कारणे असू शकतात. यापैकी एक म्हणजे कमी पाणी पिणे. आरोग्य तज्ज्ञांच्या मते, थंडीच्या वातावरणात लोकांना तहान कमी लागते. त्यामुळे शरीरात डिहायड्रेशन होऊ शकते. बर्याच प्रकरणांमध्ये, निर्जलीकरणामुळे मेंदूमध्ये रक्ताच्या गुठळ्या होऊ शकतात. त्यामुळे पक्षाघाताचा धोका असतो.

एखाद्याने किती पाणी प्यावे

अनेकदा लोकांना असे वाटते की उन्हाळ्याच्या तुलनेत हिवाळ्यात कमी पाणी प्यावे, परंतु तज्ञांचे म्हणणे आहे की असे अजिबात नाही. हिवाळ्यात दिवसातून किमान 3-4 लिटर पाणी प्यावे, तर उन्हाळ्यात दररोज 7-8 ग्लास पाणी प्यावे.