घोडबंदरहून पालघरच्या दिशेने जात असताना माजी आरोग्यमंत्री दीपक सावंत यांच्या गाडीला अपघात झाला. डंपरने कारला मागून धडक दिल्याने हा अपघात झाला. डंपर चालकाला काश्मिरी पोलिसांनी ताब्यात घेतले असून सावंत यांना स्वत: रुग्णवाहिकेतून मुंबईतील क्रिटीकेअर रुग्णालयात दाखल करण्यात आले आहे.
हेलिकॉप्टरचा अपघात युक्रेनच्या गृहमंत्र्यासह तीन मंत्री ठार, काहीजणांचा मृत्यू झाल्याची माहिती
दीपक सावंत पालघरच्या मोखाड्यातील कुपोषित बालकांच्या मृत्यूचा आढावा घेणार होते. दरम्यान, सकाळी साडेअकराच्या सुमारास ते घोडबंदर येथील सगनई नाक्याजवळ आले असता त्यांच्या कारला मागून येणाऱ्या डंपरने धडक दिली. सावंत यांच्या पाठीला दुखापत झाल्याचे वृत्त आहे.
Nashik : राहुड घाटात बसला भीषण आग
अपघाताची माहिती मिळताच काश्मिरी पोलिसांनी घटनास्थळी धाव घेत डंपर चालक इर्शाद शहजाद खान याला अटक केली. सावंत यांनी स्वत: रुग्णवाहिकेतून प्रवास करून अंधेरीतील क्रिटीकेअर रुग्णालयात उपचारासाठी दाखल केले आहे.
या घटनेतील दोन्ही वाहने ताब्यात घेण्यात आली असून गुन्हा दाखल करण्याची प्रक्रिया सुरू असल्याची माहिती काशिमीरा पोलीस ठाण्याचे वरिष्ठ पोलीस निरीक्षक संदीप कदम यांनी दिली.
