उत्तर प्रदेश :- हरदोई जिल्ह्यातील मल्लवन पोलीस स्टेशन परिसरात माजी मुख्यमंत्री अखिलेश यादव यांच्या ताफ्यातील चार वाहनांची समोरासमोर धडक झाली. त्यामुळे चार जण गंभीर जखमी झाले असून त्यांना सीएचसीमध्ये दाखल करण्यात आले आहे. तसेच अखिलेश यादव मोठ्या ताफ्यासह लग्नाला जात होते.
मिळालेल्या माहितीनुसार, अखिलेश यादव यांच्या ताफ्यातील गाड्यांना अपघात झाला आहे. यादव हरपालपूरच्या बैतापूरला जात होते. त्यानंतर मल्लवा बिलग्राम रोडवरील खेमीपूर गावाजवळ हा अपघात झाला. अपघातानंतरचे काही व्हिडिओ समोर आले आहेत. यामध्ये चारहून अधिक गाड्यांचा अपघात होताना दिसत आहे. गाड्यांजवळ लोक जमलेले दिसत आहेत आणि एक रुग्णवाहिकाही दिसत आहे. यामध्ये सुमारे सहा ते सात जण जखमी झाले असून त्यांना रुग्णालयात हलवण्यात आले आहे.