गुरुवारी सुरुवातीच्या व्यवहारात अदानी एंटरप्रायझेसचे समभाग 15 टक्क्यांनी घसरले. एक दिवस आधी, बुधवारी, कंपनीने आपले 20,000 कोटी रुपयांचे फॉलो-ऑन पब्लिक ऑफरिंग (FPO) मागे घेण्याची आणि गुंतवणूकदारांचे पैसे परत करण्याची घोषणा केली होती.
मात्र, मंगळवारी कंपनीचा एफपीओ पूर्णपणे सबस्क्राइब झाला. BSE वर कंपनीचा शेअर 15 टक्क्यांनी घसरून 1,809.40 रुपयांवर आला.
2027-28 पर्यंत भारत जगातील तिसरी सर्वात मोठी अर्थव्यवस्था असेल
समूहातील इतर कंपन्यांची कामगिरीही सलग सहाव्या दिवशी कमजोर राहिली. अदानी पोर्ट्स 14 टक्के, अदानी ट्रान्समिशन 10 टक्के, अदानी ग्रीन एनर्जी 10 टक्के, अदानी टोटल गॅस 10 टक्के, अदानी विल्मर 5 टक्के, एनडीटीव्ही 4.99 टक्के आणि अदानी पॉवर 4.98 टक्के घसरले. तथापि, अंबुजा सिमेंट्स 9.68 टक्क्यांनी व ACC 7.78 टक्क्यांनी वधारले.
कंपनीने बुधवारी एका निवेदनात म्हटले होते की, “असाधारण परिस्थिती लक्षात घेता, कंपनीच्या संचालक मंडळाने निर्णय घेतला आहे की FPO पुढे जाणे नैतिकदृष्ट्या योग्य ठरणार नाही. आमच्यासाठी गुंतवणूकदारांचे हित सर्वात महत्त्वाचे आहे आणि कोणत्याही संभाव्य नुकसानापासून त्यांचे संरक्षण करण्यासाठी, संचालक मंडळाने FPO मागे घेण्याचा निर्णय घेतला आहे.”