रायगड – महाड एमआयडीसीमध्ये मोठा स्फोट झाल्याची धक्कादायक माहिती समोर आली आहे. या स्फोटात ४ जणांचा मृत्यू झाल्याची प्राथमिक माहिती समोर आली आहे. 3 जखमींवर महाड ग्रामीण रुग्णालयात उपचार सुरू असल्याची माहिती मिळाली आहे.
रायगड – महाड येथील ब्लू जेट हेल्थकेअर लिमिटेड कंपनीत स्फोट झाला. मोठा आवाज झाल्याने आजूबाजूचा परिसर हादरला. स्फोटानंतर मोठ्या प्रमाणात गॅसची गळती झाली. त्यामुळे कामगारांचे हाल झाले आहेत. एका कामगाराला गॅसची लागण होऊन काही कामगार अडकले असण्याची भीती आहे. अद्याप 11 कामगार बेपत्ता असल्याची माहिती प्रांताधिकारी ज्ञानेश्वर बानापुरे यांनी दिली. बेपत्ता कामगारांचा शोध सुरू आहे. आग आटोक्यात आली असली तरी अग्निशमन दलाच्या अनेक गाड्या आणि पाण्याचे टँकर घटनास्थळी हजर आहेत.
स्फोटानंतर प्लांटमध्ये आग लागल्याचे सांगण्यात येत आहे. यानंतर अग्निशमन दल आणि पोलीस घटनास्थळी दाखल झाले. परिस्थिती नियंत्रणात आणण्यासाठी अग्निशमन दलाचे शर्थीचे प्रयत्न सुरू आहेत.
