[ad_1]
अब्जाधीश उद्योगपती मुकेश अंबानी यांच्या रिलायन्स इंडस्ट्रीजच्या कार्यालयात 22 जानेवारीला सुट्टी असेल. 22 जानेवारी रोजी अयोध्येतील राम मंदिरात प्राणप्रतिष्ठा सोहळा आयोजित करण्यात आला असून, याच्या स्मरणार्थ देशातील सर्वात मोठ्या व्यावसायिक समूहांपैकी एक असलेल्या रिलायन्स इंडस्ट्रीजच्या सर्व कार्यालयांना सुट्टी असेल. रिलायन्स इंडस्ट्रीजने देशातील सर्व कार्यालयांना सुट्टी जाहीर केली आहे. रिलायन्स इंडस्ट्रीजने शुक्रवारी 19 जानेवारी रोजी तिसर्‍या तिमाहीतील उत्कृष्ट निकालानंतर ही घोषणा केली आहे. एएनआय या वृत्तसंस्थेने ही माहिती दिली आहे.
रिलायन्स इंडस्ट्रीचा निकाल काल संध्याकाळी आला
रिलायन्स इंडस्ट्रीजच्या तिसऱ्या तिमाहीच्या (ऑक्टोबर-डिसेंबर) निकालांमध्ये कंपनीने उत्कृष्ट नफा आणि महसूल नोंदविला आहे. RIL चा एकत्रित निव्वळ नफा 11 टक्के वाढीनंतर रु. 19,641 कोटी झाला आहे, जो गेल्या वर्षी याच तिमाहीत रु. 17,706 कोटी होता. रिलायन्स इंडस्ट्रीजचा एकूण महसूल 3.2 टक्क्यांच्या वाढीनंतर तिसऱ्या तिमाहीत 2,48,160 कोटी रुपये राहिला. मुख्यतः रिलायन्स समूहाच्या ग्राहक व्यवसायातील चांगल्या वाढीचा फायदा कंपनीच्या निकालांमध्ये दिसून आला आहे. कंपनीच्या मार्जिनमध्ये प्रभावी वाढ दिसून आली आहे आणि तिमाही-दर-तिमाही आधारावर 17.7 टक्क्यांवरून 18.1 टक्क्यांपर्यंत वाढली आहे.
शेअर बाजार आज शनिवारी खुला, सोमवारी शेअर बाजार बंद राहील
रिलायन्स इंडस्ट्रीजच्या उत्कृष्ट निकालानंतर आज कंपनीच्या शेअर्समध्ये वाढ होण्याची शक्यता आहे. आज शनिवार असला तरी भारतीय शेअर बाजार आज खुले आहेत आणि RIL च्या शेअर्समध्येही हालचाल दिसून येते. अयोध्येतील राम मंदिरातील प्राणप्रतिष्ठा सोहळ्याच्या निमित्ताने 22 जानेवारी म्हणजेच सोमवारी देशांतर्गत शेअर बाजारातील व्यवहार बंद राहिल्याने आज शनिवारी शेअर बाजार उघडे आहेत. आज शनिवारी कमोडिटी मार्केट बंद राहणार असले तरी इक्विटी मार्केट नेहमीप्रमाणे काम करेल आणि ट्रेडिंग सकाळी 9 ते दुपारी 3.30 पर्यंत चालेल.
आज डीआर साइटची चाचणी होणार नाही
नॅशनल स्टॉक एक्सचेंज आणि बीएसईवर दोन विशेष सत्रांचे आयोजन केले जाईल. डिझास्टर रिकव्हरी साइट अर्थात डीआर साइटची चाचणी आजच केली जाणार होती परंतु आज डीएआर साइटवर इंट्राडे स्विच-ओव्हर केले जात नाही. एक्सचेंजमध्ये आज शनिवारी फक्त नियमित व्यवहार होईल.
[ad_2]
