कांतारा : दाक्षिणात्य चित्रपटांना सध्या प्रेक्षकांची पसंती मिळत आहे. 2022 मध्ये प्रदर्शित झालेला साऊथ सिनेमा कांतारा प्रेक्षकांना खूप आवडला होता. या चित्रपटाचे दिग्दर्शक आणि अभिनेता ऋषभ शेट्टीचे अनेकांनी कौतुक केले होते. कांतारामुळे ऋषभला विशेष लोकप्रियता मिळाली. कांतारा या चित्रपटात अभिनेत्री सप्तमी गौडा (Sapthami Gowda) मुख्य भूमिकेत होती. या चित्रपटातील ऋषभ आणि सप्तमीची केमिस्ट्री प्रेक्षकांना खूप आवडली होती. आता सप्तमी बॉलिवूडमध्ये पदार्पण करणार आहे. प्रसिद्ध चित्रपट दिग्दर्शक विवेक अग्निहोत्री यांनी याबाबत एक ट्विट शेअर केले आहे.
सप्तमी गौडा विवेक अग्निहोत्रीच्या ‘द वॅक्सीन वॉर’मधून बॉलिवूडमध्ये पदार्पण करणार आहे. सप्तमीने नुकतेच सोशल मीडियावर एक ट्विट शेअर केले आहे. या ट्विटमध्ये तिने लिहिले की, ‘मी या प्रोजेक्टमध्ये सहभागी होऊन आनंदी आणि उत्साहित आहे. मला संधी दिल्याबद्दल मी विवेक अग्निहोत्री यांचे आभार मानतो.’ सप्तमीच्या ट्विटला विवेक अग्निहोत्री यांनी उत्तर दिले आहे. त्यांनी ट्विटमध्ये लिहिले, ‘सप्तमी तुझ स्वागत. लस युद्धातील तुमची भूमिका अनेकांच्या हृदयाला स्पर्श करेल.’
विवेक अग्निहोत्रीने ट्विटरवर ‘द व्हॅक्सिन वॉर’चे पोस्टर शेअर करून चित्रपटाची घोषणा केली. विवेकने या पोस्टरला कॅप्शन दिले आहे, ‘प्रेझेंटिंग – ‘द व्हॅक्सिन वॉर’. भारताने लढलेल्या युद्धाची अविश्वसनीय सत्यकथा. 2023 च्या स्वातंत्र्यदिनी हा चित्रपट प्रेक्षकांच्या भेटीला येणार आहे. हा चित्रपट 11 भाषांमध्ये प्रदर्शित होणार आहे. आम्हा सर्वांना आशीर्वाद द्या.’
ऋषभ शेट्टीच्या कंटारा या चित्रपटावर कौतुकाचा वर्षाव झाला. या चित्रपटाने बॉक्स ऑफिसवर कोटींची कमाई केली. मनुष्य आणि निसर्ग यांच्यातील संबंधांवर आधारित, या चित्रपटाने २०२२ च्या भारतातील सर्वाधिक लोकप्रिय चित्रपटांच्या यादीत स्थान मिळवले आहे. धनुष, अनुष्का शेट्टी, प्रभास, विवेक अग्निहोत्री, कंगना रणौत या सेलिब्रिटींनी सोशल मीडियावर पोस्ट शेअर करून चित्रपटाचे कौतुक केले.
